Kapde Nahi, Pehchaan Bikti Hai Ek KFC Ka Sach
Maine 13 garib bacchon ko KFC le jaane ka faisla kiya. Simple kapde, seedhi si muskaan, aur dil mein bas ek khwahish ek din normal bacchon jaisa feel karna.
Lekin jaise hi hum entry gate tak pahuche, staff ne bina soche samjhe bol diya "aise bacchon ka dress code allowed nahi hai.”
Ye sirf ek line nahi thi.
Ye hamare society ka nanga sach tha.
Maine hungama nahi kiya. Gussa nahi dikhaya. Sirf apni identity batayi.
Aur bas… picture palat gayi.
Jo log abhi tak mana kar rahe the, wahi log “Sorry sir” bolne lage. Welcome bhi kiya gaya.
Tab mujhe samajh aaya yahaan izzat insaan ko nahi, uski pehchaan ko milti hai.
Andar jaakar maine bacchon se kaha,
Aaj jo marzi ho, bina dare order karo.
Ye bacche kabhi KFC nahi aaye the.
Menu unke liye English ka nahi, sapno ka page tha.
Kisi ne Veg Zinger choose kiya,
kisi ne Paneer Zinger,
aur kai bacchon ne Chicken Zinger order kiya.
Aur unke liye pehli baar KFC ka taste sirf khana nahi, ek yaad ban gayi.
Jab khana aaya, unki aankhon mein jo chamak thi wo bhook ki nahi, izzat milne ki thi.
Bill bana ₹3518.
Lekin sach kahun, ye bill khaane ka nahi tha.
Ye bill tha hamare system ka,
jisme garib pehle kapdon se judge hota hai,
aur baad mein insaan maana jaata hai wo bhi tab, jab saamne “identity” ho.
Us din maine sirf bacchon ko khana nahi khilaya.
Maine unhe ye feel karwaya ki wo bhi is society ka hissa hain. Aur unki khushi dekhkar mujhe jo sukoon mila wo kisi bhi luxury se zyada mehenga tha.
Yaad rakho burger sabko mil sakta hai,
lekin izzat sirf kuch logon ko.
Aur jab tak hum kapdon se judge karna band nahi karte, tab tak hum sirf modern dikhte rahenge insaan nahi ban paayenge.
